我选择退出！我要提出分手，起码个女人呢世个心中都会有我系度。而且永远会用我同佢果d男朋友比较。男人最痛嘅就系听到女人讲”如果系xxx嘅话，佢一定唔会好似你咁对啊佢同我一齐对我点点点好…”

        基本上呢个就系我想要嘅效果了。冇话我份人扑街。我要赢，所以我要个女人一世都记住我呢个男人。鬼叫你条扑街仔，系要差只死人脚落唻同我争女啊要争嘅你咪攞去咯。咁容易就感情转移嘅女人我要来都晒气啦！仲唔搞死你条扑街咩

        “吾好啦？我真系同佢冇野噶。普通朋友嚟噶咋。你信我啦好冇”

        哇！女人讲大话嘅时候真系一d都唔眨眼喔。我开始怀疑佢哋其实系咪一直都未分开过。

        “系咪啊，我冇话唔信你。我信你噶喔…”

        “真系咁我哋系咪唔分手啦”

        “唔分，我不过同你讲下笑之嘛！我都冇提过分手呢两个字…”本来我谂住好离好去咁嘅。点知你台戏做得咁好。我点好意思拆穿你啊！

        “死人头，吓得我吖！”佢捶咗我心口一拳。

        “得啦，咪谂咁多啦。翻上去训啦！哭得多个样就唔靓噶啦。行唔到你嘅可爱路线噶啦。”我呢句话讲得好违心！

        从果日起，我冇复佢短信，冇接佢电话。佢实在打得多过唻嘅时候。我就敷衍佢两句话：迟d比翻电话佢。结果当然我系唔会比啦！

        若即若离。我就系要我哋从情侣关系变成呢种关系。我嘅理由多数系：好忙啊，要加班啊！搞紧个project，要出差之类嘅。然后我就晚晚同班老死去做大事！

        【This chapter is finished reading】